رائے پور،14؍مارچ (ایس او نیوز؍ایجنسی) سال 2020 مارچ کا مہینہ تھا اور تاریخ 18 تھی جب کورونا سے پہلا متاثرہ شخص رائے پور میں پایا گیا تھا- چھتیس گڑھ میں اب تقریبا 1 سال کے بعد 3 لاکھ سے زیادہ افراد اس بیماری سے متاثر ہوئے تھے- اب تک 3880؍ افراد ہلاک ہوچکے ہیں - کورونا وائرس کی منتقلی ایک بار پھر اپنا دائرہ بڑھا رہی ہے- اس کے پیش نظر ضلعی انتظامیہ اب سخت ہوگئی ہے- کلکٹر نے ہفتے کو کچھ نئی ہدایات جاری کی ہیں -

کلکٹر نے واضح طور پر کہا ہے کہ اب ماسک یا معاشرتی فاصلہ کے معاملے میں بے توجہی کو انتظامیہ برداشت نہیں کرے گی، خلاف ورزی کرنے والوں پر جرمانہ عائد کیا جائے گا اورایف آئی آر بھی درج کئے جائیں گے - حال ہی میں انہوں نے افسروں کے ساتھ میٹنگ کی ہے اور ایس ڈی ایم، تحصیلدار سطح کے عہدیداروں سے کہا ہے کہ وہ اس معاملے میں سخت کارروائی کریں -خیال رہے کہ گزشتہ جمعہ کے روز رائے پور میں 121 نئے مریض پائے گئے- پوری ریاست میں نئے متاثرہ افراد کی تعداد 447 ہوگئی ہے، جس میں دو افراد ہلاک بھی ہوئے ہیں - جب کہ جمعرات کو رائے پور سے 155کورونا پازیٹیو پائے گئے تھے، اور 3/ افراد کی موت ہوئی تھی-